25 Цәыббра 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Цәыббра 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

АЖӘАБЖЬҚӘА

Аҟәа. Рашәарамза 8, 2022 шықәса. Аԥсныпресс. Аҳәынҭқарра Ахада 2022 шықәсазтәи акурорттә аамҭа иазкны инарҭбаау аилацәажәара мҩаԥигеит.

Аилацәажәара аартуа, аҳәынҭқарра Ахада инаҵшьны иазгәеиҭеит атуристцәа агәахәара рыманы рыԥсы ршьаразы, урҭ ршәарҭадара аиҿкааразы аҭагылазаашьақәа раԥҵара шаҭаху. «Иақәнагоу аилазаарақәеи аусбарҭақәеи дасу рнапы иану нхарҭәааны инарыгӡалароуп ҳтәыла иаҭаауа атуристцәа даҽазныкгьы аара рҭаххартә еиԥш», - ҳәа иҳәеит Аҳәынҭқарра Ахада Аслан Бжьаниа.

2022 шықәсазтәи акурорттә аамҭа иазкыз аилацәажәараҟны ажәахә хада ҟазҵаз атуризм аминистр Ҭемраз Хышба иҳәеит 2019 шықәса раахыс атуристцәа рнырхара иазку аобиектқәа рхыԥхьаӡара 60% рыла ишазҳаз, рыԥхьарҭа ҭыԥқәа – 44% рыла.

«Ҳазҭагылоу аамҭазы ареспубликаҟны 683 нхарҭатә обиект ыҟоуп, урҭ 36 591 ԥхьарҭа ҭыԥ рымоуп» - иҳәеит Хышба. Ҵыԥх, уи иажәақәа рыла, урыстәылаа рзы Аԥсны Ҭырқәтәыла анаҩс аҳәаанырцә еиҳа изҭаауаз хырхарҭан, усҟан ареспублика иаҭааит 1,5 млн-ҩык атуристцәа. Ари аҩыза ҟамлацызт 1992 шықәса раахыс.

Атуризм аминистр мап ацәимкит адунеитә економика аҵыхәтәантәи ахҭысқәа инарымаданы сынтәа аԥхынтәи аԥсшьара ахә бжьаратәла 30% ишазҳауа.

Аслан Бжьаниа дазҵааит 2021 шықәсазы атуристтә усхк иазоужьыз аинвестициа амҽхак, иара убас шаҟа нхарҭатә обиекти усурҭа ҭыԥи еиҿкаау аԥхынразы 2022 шықәсазы. Аслан  Бжьаниа Атуризм аминистрреи ашәахтәқәеи аизгақәеи рминистрреи рнапы ианиҵеит аҭыԥаҟны иҟоу аҭагылазаашьа агәаҭара, атуристцәа здызкыло, нхарҭала еиқәзыршәо ҿыц иргылоу асасааирҭақәеи агәабзиарчаԥарҭақәеи рзы адырра ирҭарц.

Аҳәынҭқарра Ахада адҵа ҟаиҵеит ари аус аргыларақәа ахьымҩаԥысуа аҭыԥқәа рыҟны ақалақьқәеи араионқәеи рхадацәа адрыԥхьаларц.  Иара убас Аҳәынҭқарра Ахада изықәнагоу аусбарҭақәа рыхшыҩ азишьҭит еиуеиԥшым аусхкқәа рыҟны ашәарҭадара аҩаӡара ашьҭыхра, ҷыдала, афатәтәи азинхьчаратәи шәарҭадара аусхкқәа рыҟны.

Аԥхынтәи акурорттә аамҭазы Аԥсны аҩныҵҟатәи аусқәа Рминистрра ауаажәларратә зинтәлеишәа ахьчаразы имҩаԥнаго иҷыдоу аусмҩаԥгатәқәа дрылацәажәеит аҩныҵҟатәи аусқәа рминистр Вальтер Быҭәба.

Аслан Бжьаниа дазҵааит гагратәии гәдоуҭатәии Аҩныҵҟатәи аусқәа рраионтә ҟәшеи аҟәатәи Аҩныҵҟатәи аусқәа русбарҭеи аусуразы иахьынӡеиқәыршәоу. Астатистика ала, имҩаԥысуа ацәгьоурақәа зегьы рахьытә 90% инареиҳаны арҭ араионқәа рыҟны имҩаԥысуеит. «Иҟоуп акадртә проблемақәа», - ҳәа иҳәеит аминистр Вальтер Быҭәба, штатла аиқәмыршәара иааизакны 20% рҟынӡа шартәо азгәаҭаны. 

Ауаажәларратә  шәарҭадареи ацәгьоурақәа раартреи рзы аусура арӷәӷәара хықәкыс иҟаҵаны, Аҳәынҭқарра Ахада атуристцәа ахьнырхахо аобиектқәа рыҟны ашьклаԥшразы хымԥада акамерақәа рышьақәыргыларазы адҵа ҟаиҵеит. Аслан Бжьаниа араионқәа рхадацәеи, аҭыԥаҟны азинхьчаратә усбарҭақәа рнапхгаҩцәеи, асасааирҭақәеи агәабзиарачаԥарҭақәеи зтәуи ари аусмҩаԥгатә иадшәыԥхьалароуп ҳәа адҵа ҟаиҵеит.

Агәабзиарахьчара аминистр Едуард Быҭәба дазааҭгылеит ареспублика амедусҳәарҭақәа акурорттә аамҭа ишазхиоу атәы. Аҳәынҭқарра Ахада Аслан Бжьаниа дазҵааит акурорттә аамҭазы амедусҳәарҭақәа рықәыӷәӷәара ахьынӡеизҳауа. 

Аҟәа. Рашәарамза 8, 2022 шықәса. Аԥсныпресс. Аманда Касланӡиа, Лана Ҵәыџьба. Лаҵарамза 14 рзы имҩаԥгаз аиҭалхрақәа раан алхырҭатә ҭыԥхада №18 (ақ. Гәдоуҭа) ала иалхыз адепутат Леонид Лакербаиа, апарламенттә еилакқәа ҩба реилазаара далалеит: абиуџьети акредиттә еиҿкаарақәеи ашәахтәқәеи афинансқәеи рзы аилаки, асоциалтә политикеи аџьеи агәабзиарахьчареи адемографиеи, аветеранцәеи аибашьра аинвалидцәеи русқәа рзы апарламенттә еилаки.

Аҟәа. Рашәарамза 8, 2022 шықәса. Аԥсныпресс.  Аԥсны Жәлар Реизара-Апарламент аилатәара аҿы ззинмчы аҽҳәара хыркәшахаз афбатәи ааԥхьара адепутатцәа  рмыцхәрас адукатцәа Рпалата аҟны иҟоу Аквалификациатә Комиссиеи аӡбаҩцәа рыквалификациатә комиссиеи Апарламент аҟынтәи алахәылацәа ралхра азы Ақәҵара рыдыркылеит. 

Аҟәа. Рашәарамза 8, 2022 шықәса. Аԥсныпресс. /Алеқсеи Шамба/. Рашәарамза 7 рзы Академик Марр имҩаду ала игылоу, Аԥсны ашахматқәа Рфедерациа Апрезидент Констанин Ҭыжәба  иҩны аҟны абар шьҭа ԥшьынтәны «Аҟәа. Ақалақь ариаҵәара. Анхарҭатә сектор» ҳәа хыс иаманы ашәҭқәа рцәыргақәҵа еиҿкаахеит. Раԥхьаӡа акәны ари ацәыргақәаҵа аиҿкаара ахы аланархәит Аԥсны Ахәаахәҭра-Ааглыхратә Палатагьы.

Ацәыргақәҵа ахықәкы хаданы иҟоуп – Аҟәа ақалақь ицқьоу, ишәҭыкакаҷуа қалақьны аҟалара азы аҳҭнықалақь ауааԥсыра рахь ааԥхьара аҟаҵара.

Мыцхәы идууцәам, 6 шәкырак инаӡо адгьыл аҿаҵа аҿы  Константин Ҭыжәба илиршеит 100 хкык инарзынаԥшуа аҵиаақәа реиҭаҳареи рааӡареи. Уи иажәақәа рыла, ари  аус ахь абзиабара имоуижьҭеит абар шьҭа 30 шықәса иреиҳамзар иреиҵам. «Араҟа иҟоуп шықәсырацәа еизҳауа аҵиаақәа реиԥш шықәсы заҵәык изызҳауагьы.  Сара сбаҳчаҿы ашәҭхкқәа рыбжьара иҟоуп агерань, уи аԥсуаа ҵыкә ишәҭ, мамзаргьы ҵыкә ихәшә ҳәа иашьҭоуп,  петуниа, вербена, аԥсышәала иушәозар,- адәыҳәымсаг, агортензиа, Аниута лыблақәа ҳәа изышьҭоу, ахризантема, аԥсышәала - аҟәышәҭы, ажасин-аџьыԥ, акрокусқәа, агәилқәа, уҳәа убас хкы-хкыла ирацәаны.  Араҟа ирызҳауеит иара убас глициниа, бугенвиллиа ҳәа изышьҭоу ашәҭхкқәагьы», - ҳәа еиҭеиҳәеит иара.

Аҟәа. Лаҵарамза 30, 2022 шықәса. Аԥсныпресс.  Лаҵарамза 29 рзы, Шьамтәылатәи Арабтәи Ареспублика ала Аԥсны Аҳәынҭқарра ахьыԥшымреи асуверенитети азхаҵара Амш ԥшьышықәса ахыҵра аҽны, аҩ-ҳәынҭқаррак ртәылахьчара аминистрцәа  арратә усхкы аганахьала аусеицура азы Аиқәшаҳаҭра рнапы аҵарҩит.   

Шьамтәылатәи Арабтә Республика  Арбџьармчқәеи архәҭақәеи ркомандаҟаҵаҩ хада ихаҭыԥуаҩ, атәылахьчара аминистр, аинрал Али Махмуд Аббаси  Аԥсны атәылахьчара аминистр, аинрал-леитенант Владимир Ануеи аиҩызара зыбжьоу аҩ-ҳәынҭқаррак рыбжьара арратә усхкы аҿы аусеиуцура азы еиқәшаҳаҭхеит, анаҩстәи аперспективақәагьы ирылацәажәеит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me