Аҟәа. Лаҵарамза 30, 2022 шықәса. Аԥсныпресс. Рашәарамза 1, 2022 шықәса инаркны Гагра ақалақь аконсултә пункт аҿы, абри аҭыӡҭыԥ ала: В.Г.Арӡынҩа имҩаду, аҩ. №58 (Аҩныҵҟатәи аусқәа Русбарҭа ахыбра) 5 – 10 шықәса аҽҳәара змоу урыстәылатәи аҳәаанырцәтәи атәылауаҩшәҟәқәа рауира иадҳәалоу азҵаарақәа рзы ауааԥсыра рыдкылара иалагоит, ҳәа адырра ҟанаҵоит Аԥсны иҟоу Урыстәылатәи Афедерациа Ацҳаражәҳәарҭа.
Аусура аамҭа: ашәахьа инаркны ахәашанӡа асааҭ 10:00 - 18:00, аԥсшьара аамҭа асааҭ 13:00 инаркны 14:00 аҟынӡа. Ауааԥсыра рыдыркылалоит асааҭ 16:00 аҟынӡа.
Аконсултә маҵзура ахәԥса ушәар алшоит Аԥсны Аҵәахырҭатә банк аҿы (ақ. Гагра, Абазгаа рымҩаду, аҩ. № 55/4).
