Аҟәа. Лаҵарамза 17, 2022 шықәса. Аԥсныпресс. Лаҵарамза 17 рзы имҩаԥысит абиуџьети акредиттә еиҿкаарақәеи ашәхтәқәеи афинансқәеи рзы апарламенттә Еилакы аилатәара. Уи мҩаԥигон Аилак ахантәаҩы Беслан Ҳалуашь. Аилатәара лхы алалырхәит Аҳәынҭқарра Ахада Иусбарҭа аҳәынҭқарра-зинтә усбарҭа анапхгаҩы Наҭела Ломиа.
Адепутатцәа «Акурортә еизга азы» Аԥсны Аҳәынҭқарра Азакәан», «Аԥсны Аҳәынҭқарра ашәахтә система ашьаҭақәа рзы» Аԥсны Аҳәынҭқарра Азакәан аиҭакрақәеи ацҵақәеи ралагалара», «Аԥсны Аҳәынҭқарра Анапхгара аҳәынҭқарратә експортә кредит азоужьра азы» ԥхынҷкәынмза 24, 2010 шықәсазы Аԥсны Аҳәынҭқарреи Урыстәылатәи Афедерациеи Рнапхгараҭарақәа ирыбжьарҵаз Аиқәшаҳаҭра» аиҭакрақәеи ацҵақәеи ралагалара азы» Аԥсны Аҳәынҭқарра А закәанқәа азинмчы рацәыӡра азы азакәан апроектқәа ирыхәаԥшит.
Аилатәара аихшьаалақәа рыла, Аилак алахәылацәа иарбоу азакәан апроектқәа Апарламент асессиа ахь актәи аԥхьараҿы рыдкыларазы рцәыргара азы еицҿакны аӡбамҭа рыдыркылеит.
Аилак азакәан апроект «2019 шықәсазы Ареспубликатә биуџьеҭ азы» Аԥсны Аҳәынҭқарра Азакәан аиҭакрақәеи ацҵақәеи ралагалара азы» азакәан апроект мап ацәкра азы ажәалагала ҟанаҵеит.
Адепутатцәа иара убас «Аԥсны аҳазылхратә ҵакыраҟа аиагараан ашәахтәқәҵара иаҵанамкуа (ашәахқәҵара аҟынтәи зхы иақәиҭу), аиԥш зеиԥшу Аԥсны иҭырмыжьуа, ааглыхраттә усхкы иазку атауарқәа рҭыжьразы ихымԥадатәиу атауарқәеи аматериалқәеи аӡеи рсиа» ақәшаҳаҭхареи, ааигәа имҩаԥысраны иҟоу Апарламент аилатәара аҿы ашьақәырӷәӷәара азы абжьгара аҟаҵареи рзы аӡбара рыдыркылеит
