Поиск по слову

Категории

Календарь

« Хәажәкыр 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

АԤСНЫ АҲӘЫНҬҚАРРА-ЗИНТӘ ПОЛИТИКА АЗЫ АПАРЛАМЕНТТӘ ЕИЛАКЫ АПАРЛАМЕНТ АИЛАТӘАРАҾЫ АХӘАԤШРАЗЫ АЗАКӘАН АПРОЕКТҚӘАК РЫДГАЛАРА МҨАԤНАГОИТ.

Ашәахьа, 30 Лаҵара 2022 10:45 332

Аҟәа. Лаҵарамза 30, 2022 шықәса. Аԥсныпресс. Ахәаша, лаҵарамза 27 рзы, аҳәынҭқарра-зинтә политика азы апарламенттә Еилакы аилатәра мҩаԥысит.

Аилак алахәылацәа «»Адепутатцәа рықәратә ценз азы» Аԥсны Аҳәынҭқарра Аконституциа  аиҭакрақәа ралагалара азы» азакәан апроект иалацәажәеит.  Иарбоу азакәан апроект инақәыршәны, Аԥсны Жәлар Реизара-Апарламент адепутатс дҟалар илшоит алхратә зин змоу 30 шықәса зхыҵхьоу Аԥсны атәылауаҩ.

Иара убас  «Аԥсны Жәлар Реизара-Апарламент адепутатцәа ралхрақәа рзы» Аԥсны Аҳәынҭқарра Аконституциатә Закәан аиҭакрақәеи ацҵақәеи ралагалара иадҳәалоу азакәан аппроектқәагьы ирыхәаԥшит.  Араҟа зыӡбахә ҳәоу Аԥсны Жәлар Реизара-Апарламент адепутатс дҟалар шалшо иреиҳаӡоу аҵара змоу, хәы-шықәса иреиҵамкәа аџьашықәс змоу атәылауаҩ шиаку ауп.

Аилатәара иалахәыз иара убас Аԥсны Аҳәынҭқарра амиграциатә Маҵзура  аусура иадҳәалоу азакәанԥҵаратәи актқәак аиҭакрақәеи ацҵақәеи ралагалара азҵаарақәа ирылацәажәеит.  

Аилатәара аихшьаалақәа рыла, Аилак Апарламент аилатәара актәи аԥхьараҿы иарбоу азакәан апроектқәа рыдкыларазы абжьгара ҟанаҵоит.