Аҟәа. Хәажәкырамха 11, 2022 шықәса. Аԥсныпресс. Аԥсны Аҳәынҭқарра Иреиҳаӡоу Аӡбарҭа апрокурор Хада иҟынтәи иалагалаз Административтә зыҳәамҭеи уи ацҵеи инагӡаны анагӡара азы азыӡба аднакылеит.
Иреиҳаӡоу Аӡбамҭа иаднакылаз аӡбамҭа ала, абарҭ анорма-зинтә шәҟәынҵақәа ианрыдыркыла нахыс азинмчы амаӡам ҳәа иԥхьаӡоуп:
«Баслаҭ-Аӡфымцастанциа» амазаратә комплекс азы» 04.03.2020ш. Аԥсны Аҳәынҭқарра аминистрцәа Реилазаара иаднакылаз Ақәҵара №32.
«Баслаҭ-Аӡфымцастанциа» амазаратә комплекс априватизациа азура иаҵанакуа аобиектқәа рсиа алагалареи уи априватизациа азура азы аҭагылазаашьақәа рышьақәырӷәӷәареи рзы» 16.04.2020ш. Аԥсны Аҳәынҭқарра аминистрцәа Реилазаара иаднакылаз Ақәҵара №58».
«Априватизациа азура иаҵанакуа аҳәынҭқарратә обиектқәа иназыцҵоу рсиеи урҭ априватизациа рзура азы аҭагылазаашьақәа рышьақәырӷәӷәареи рзы» 19.06.2020ш. Аԥсны Жәлар Реизара-Апарламент иаднакылаз Ақәҵара №4995-с-VI (Аԥсны Аҳәынҭқарра аминистрцәа Реилазаара мшаԥымза 16, 2020 шықәсазы иаднакылаз Ақәҵара №58 Ацҵа).
