Поиск по слову

Категории

Категории

Календарь

« Лаҵара 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
АЖӘАБЖЬҚӘА

АҲАЗЫЛХРАТӘ ЕИЛАКЫ 2021 ШЫҚӘСАЗЫ АҲАСАБЫРБА ҞАНАҴЕИТ.

Ахаша, 02 Жәабран 2022 16:59 161
АҲАЗЫЛХРАТӘ ЕИЛАКЫ 2021 ШЫҚӘСАЗЫ АҲАСАБЫРБА ҞАНАҴЕИТ.

Аҟәа. Жәабранмза 2, 2022 шықәса. Аԥсныпресс.  Аԥыза-министр Алеқсандр Анқәаб Аҳәынҭқарратә ҳазылхратә Еилакы анапхгараҭара алархәны 2021 шықәсазы аҳасабырба ҟанаҵеит, ҳәа иаанацҳауеит аминистрцәа Реилазаара апресс-маҵзура.

Аҳәынҭқарра-ҳазылхратә Еилакы ахантәаҩы Оҭар Хьециеи уи актәи ихаҭыԥуаҩ Алиас Лабахәуеи атәыла анапхгара ахада аплантә рбагақәа  рынагӡара ихадоу апараметрқәа рзы адыррақәа ирҭеит.  

2021 шықәсазы атауареикәыршара азеиԥш шәагаа 35 млрд 921 млн. мааҭ рҟынӡа инаӡеит (   2020 шықәса иаҿырԥшны + 9 млрд 366 млн. мааҭ рҟынӡа инаӡоит). Аха иҳаҩсыз ашықәс азы атауарқәа рекспорт 781 млн. мааҭ рыла еиҵахеит (зынӡа експортла идәықәҵоу аалыҵ ахәԥса азеиԥш еицҵалыҵ 6 млрд 60 млн.мааҭ рҟынӡа инаӡоит). Аекспорт ашәагаа (аԥсыӡ ашша – 280 млн. мааҭ рыла, аԥсыӡтә шыла - 289 млн. мааҭ рыла, ажь иалху аҩы - 215 млн. мааҭ рыла, аҵламаҭәахә, амҿымаҭәахә, аба - 72 млн. мааҭ рыла, ихьархьынырку аихаҷа-маҷа - 12 млн.мааҭ ала) зыхәԥса 2,5 млн. мааҭ рҟынӡа инаӡо  атауарқәа рекспорт азы аҳазылхратә еизгара алгара азы аплан анамыгӡара ианыԥшит (49,8 млн. мааҭ аҟынӡа инаӡо  ишьақәыргылоу аплан аан иахыԥхьӡалоуп 47,3 млн. мааҭ рҟынӡа инаӡоит).

Убри аан атауарқәа римпорт азҳаит. 2021 шықәсазы аимпорт азеиԥш еицҵалыҵ 29 млрд 864 млн. мааҭи рҟынӡа инаӡеит, уи 2020 шықәса иаҿырԥшны уахәаԥшуазар, 10 млрд 150 млн. мааҭ рҟынӡа инаӡеит.

Атауарқәа рноменклатура ала аимпорт аизҳара наӡеит:

Аминерал ӡқәа  – 2 млрд 146 млн. мааҭ рҟынӡа (алагалара ашәагаа  - 5 млрд 115 млн.мааҭ рҟынӡа инаӡоит),

Акәци ахшхарҵәаалыҵқәеи – 1 млрд. мааҭ (алагалара ашәагаа - 2 млрд 412 млн. мааҭ),

Аргыларатә материалқәа –1 млрд 130 млн мааҭи рыла (алагалара ашәагаа – 2 млрд 989 млн. мааҭ),

Афармацевтә аалыҵқәа – 588 млн. мааҭ (алагалара ашәагаа – 1 млрд 416 млн. мааҭ),

Иџьбароу арыжәтә – 575 млн. мааҭ (алагалара ашәагаа – 1 млрд 462 млн. мааҭ). 

Убри аан иааизакны аҳазылхратә рбагақәа рыла аплан  иацҵаны анагӡара алыршахеит: 2021 шықәсазы планла иазԥхьагәаҭаз 2 млрд 154,8 млн мааҭ раан фактла инагӡаз ашәатәқәа реицҵалыҵ 2 млрд 732,7 млн. мааҭ рҟынӡа инаӡеит. (абаџь, аизгақәа, акцизтә шәахтә, акцизтә маркақәа, Иназыцҵоу Ахәԥсазы Ашәахтә, уҳәа егьырҭ ашәатәқәа).

Алеқсандр Анқәаб Аҳәынҭқарратә ҳазылхратә Еилакы анапхгараҭара атәыла аҳазылхратә ҵакыра аҿы атауарқәа рконтрабаҭ аҿагылара азы аусура  арӷәӷәара  азы адҵа риҭеит.

 

Last modified on Ахәаша, 04 Жәабран 2022 18:08
« АЛХРАТӘ КОМИССИА ХАДА ДАҼА АԤШЬГАРАТӘ ГӘЫԤҚӘА 4 РЫШӘҞӘҬАГАЛАРА МҨАԤНАГЕИТ. АԤСНЫ АНАУКАҚӘА РАКАДЕМИА ЦИРА ГАБНИА ЛЫԤСҬАЗААРА АЛАҴРА ИНАМАДАНЫ ЛЫУАЦӘЕИ ЛҬАХЦӘЕИ ИРЫДЫШШЫЛОИТ. »
Хыхь