Аҟәа. Ажьырныҳәамза 28, 2022 шықәса. Аԥсныпресс. Ажьырныҳәамза 27 рзы аганатаршәреи ақәырҟьа аҿы аҽышьҭыхреи рзы Аԥсны атәылахьчара Аминистрра апхьахәагара азы аспорттә еицлабрақәа хыркәшахеит.
Аицлабрақәа рхы аладырхәит арратә хәҭақәеи арратә ҟәшеиҵақәеи рыруаа, ҳәа адырра ҟанаҵоит арратә Хылаԥшырҭа Хада.
«Ас еиԥш иҟоу аспорттә усмҩаԥгатәқәа изҩыдоу аԥсҭазаашьа ашьақәыргылара иазырхоуп, иара убас аруаа маха-шьахала рырӷәӷәара, рырратә хыдҵақәа рынагӡара азы рылшарамч аизырҳара иазкуп», - ҳәа иазгәеиҭеит арратәи аморал-психологиатәи зыҟаҵара азы аусбарҭа фицар еиҳабы, аподполковник Артур Дохоиан. Уи иажәақәа рыла, аицлабрақәа реихшьаалақәа рыла аиааира згаз алкаахеит.
Агранатршәразы аицлабрақәа рҿы актәи аҭыԥ аанакылеит актәи хазы игоу амотохысратәбаталион, аҩбатәи- Авиациатә гәыԥ акоманда, ахԥатәи – иҷыдоу ахықәкызаара змоу хазы игоу аотриад.
Ақәырҟьа аҿы аҽышьҭыхра азы аицлабрақәа состязаниях по подтягиванию на перекладине актәи аҭыԥ аанакылеит Аҟәатәи иреиҳауа азеиԥшарратә командаҟаҵаратә ҵараиурҭа акоманда, аҩбатәи – Аԥсны Арбџьармчқәа Аштаб Хада акомандаҟаҵара-ԥшыхәратә Центр, ахԥатәи аҭыԥ - Аштаб Хада акоменданттә рота.
