Поиск по слову

Категории

Категории

Календарь

« Мшаҧы 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
АЖӘАБЖЬҚӘА

АԤСНЫ АТУРИЗМ АМИНИСТРРА АҾЫ ЗИНДА АЕКСКУРСИАМҨАԤГАРА АԤХЬЫРҞӘҞӘААРА АЗҴАРАҚӘА ИРЫЛАЦӘАЖӘЕИТ.

Ахәаша, 28 Ажьырныҳәа 2022 13:18 173
АԤСНЫ АТУРИЗМ АМИНИСТРРА АҾЫ ЗИНДА АЕКСКУРСИАМҨАԤГАРА АԤХЬЫРҞӘҞӘААРА АЗҴАРАҚӘА ИРЫЛАЦӘАЖӘЕИТ.

Аҟәа. Ажьырныҳәамза 28, 2022 шықәса. Аԥсныпресс. Аԥсны атуризм Аминистрра аҿы аекскурсиамҩаԥгаҩцәа Рзанааҭеидгыла ахаҭарнакцәа алархәны аусуратә еиԥылара мҩаԥысит.

Аиԥылара аҿы ирылацәжәеит зинда аекскурсиамҩаԥгара аԥхьырҟәҟәаара азҵаарақәа ирзааҭгылеит. Иалацәажәеит атуризми аекскурсиатә маҵзуреи аусхкы аҿы иҟоу азакәанԥҵара аиҭакрақәа ралагалареи азҵаара.

Аҵыхәтәантәи аамҭазы зинда аус зуа, убри аан Аԥсны аҭоурых, ақьабзқәа рзы адыррақәа еицазкуа, уимоу ареспублика ахьӡ лазырҟәуа амифқәа еиҭазҳәо аекскурсиамҩаԥгаҩцәа ирацәаны ицәырҵит.

Ас еиԥш ацәырҵрақәа хымԥада аԥхьырҟәҟәаара ахәҭаны иҟоуп ҳәа ирыԥхьаӡоит атәыла атуристтә Хылаԥшырҭа Хада аҟны.

Аилатәара аихшьаалақәа рыла, ҷыдала иаԥҵоу аекскурсиамҩаԥгаҩцәа, аекскурсиамҩаԥгаҩ- аиҭагаҩцәа,  иара убас атуризм азы аинструкторцәа рзы аҵара-зыҟаҵаратә центрқәа рахь аусшәҟәқәа рыдкылара азы арыцхәқәа шьақәыргылан.  

I, II акатегориа змоу аекскурсиамҩаԥгаҩцәа рзанааҭтә дырра аҩаӡара аизырҳаразы апрограмма ала акурсқәа рахь аусшәҟәқәа рыдкылара мҩаԥыслоит жәабранмза  1 инаркны жәабранмза 18, 2022 шықәса аҟынӡа.  

аекскурсиамҩаԥгаҩцәа рзанааҭтә дырра аҩаӡара аизырҳаразы апрограмма ала акурсқәа рҿы аҽазыҟаҵара амҩаԥгара азԥхьагәаҭоуп жәабранмза  21 инаркны жәабранмза  28, 2022 шықәсанӡа.

Аекскурсиамҩаԥгаҩцәа рзанааҭтә дырра аҩаӡара аизырҳаразы апрограмма ала акурсқәа рахь аусшәҟәқәа рыдкылара мҩаԥыслоит жәабранмза  1 инаркны хәажәкырамза 1,2022 аҟынӡа, аҽазыҟаҵара – хәажәкырамза  1 инаркны хәажәкырамза  15, 2022 шықәсанӡа.

Аҽазыҟаҵарақәа мҩаԥыслоит: Аҟәатәи аҳәынҭқарратә коллеџь, Б.Г. Кьахьыриԥа ихьӡ зху Гагратәи агуманитар-ааглыхратә техникум, иара убас Аԥснытәи аҳәынҭқарратә Университет абиологиа-географиатә факультет абаза аҟны.

Last modified on Асабша, 29 Ажьырныҳәа 2022 13:43
« АҲӘЫНҬҚАРРА АХАДЕИ АԤЫЗА-МИНИСТРИ ҬЕЛЛА РЕИЦӘАЖӘАРАҾЫ АУСУРАТӘ ЗҴААРАҚӘА ИРЗААҬГЫЛЕИТ. АԤСНЫ АТӘЫЛАХЬЧАРА АМИНИСТРРА АԤХЬАХӘГАРА АЗЫ АСПОРТТӘ ЕИЦЛАБРАҚӘА ХЫРКӘШАХЕИТ. »
Хыхь