Аҟәа. Ажьырныҳәамза 19, 2022 шықәса. Аԥсныпресс. Аԥсны атәылахьчара Аминистрра аҿы арратә психофизиологиа аганахьала аусура амҩаԥгара азнеишьа ҿыцқәа рӡыргара мҩаԥысит, ҳәа иаанацҳауеит Атәылахьчара Аминистрра аофициалтә саит. Арратә, аморал-психологиатә зыҟаҵара апсихолог, акаԥдан Нина Кәакәасқьыр апсихофизиологиатә тестҟаҵара иазку аиқәыршәагақәа ирыҵоу аҵакы ахадара дазааҭгылеит. Аппаратқәа «Психофизиолог», «БОС-терапиа» арратә психолог иусура аҿы акыр ицхыраагӡа дуны иҟоуп ҳәа иазгәалҭеит лара. Апсихолог иарбоу иҿыцу аппаратқәа атәылахьчара Аминистрра аусура аҿы ралагалара азы ажәалагала ҟалҵеит.
Аӡыргара ахыркәшамҭаз афильм «Биологическая обратная связь» арбара мҩаԥысит. Афильм арбара ашьҭахь аӡыргара иалахәыз апсихологиатә усураҿы иҿыцу азнеишьақәа рылацәажәара азы алшара роуит. Апрезентациа аҿы Киров ихьӡ зху Арра-медицинатә академиа (ақ.Санкт-Петербург) арратә психофизиологиа акафедра аматериалқәа ахархәара роуит.
