Поиск по слову

Категории

Категории

Календарь

« Лаҵара 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
АЖӘАБЖЬҚӘА

ҬЫРҚӘТӘЫЛА ИҞОУ АԤСУА КУЛЬТУРАТӘ ЦЕНТРҚӘА РФЕДЕРАЦИА: ҬЫРҚӘТӘЫЛА АԤСУА ДИАСПОРА ЕИЗАКНЫ ИАХЬЕИЛАНХО АҬЫԤҚӘА РҾЫ АԤСУА БЫЗШӘА АКУРСҚӘА РЫМҨАԤГАРА ЕИҾКААТӘУП.

Ашәахьа, 17 Ажьырныҳәа 2022 21:37 130
ҬЫРҚӘТӘЫЛА ИҞОУ АԤСУА КУЛЬТУРАТӘ ЦЕНТРҚӘА РФЕДЕРАЦИА: ҬЫРҚӘТӘЫЛА АԤСУА ДИАСПОРА ЕИЗАКНЫ ИАХЬЕИЛАНХО АҬЫԤҚӘА РҾЫ АԤСУА БЫЗШӘА АКУРСҚӘА РЫМҨАԤГАРА ЕИҾКААТӘУП.

Аҟәа. Ажьырныҳәамза 17, 2022 шықәса. Аԥсныпресс.  Ажьырныҳәамза 17 рзы Аԥсны адәныҟатәи аусқәа Рминистрра аҟны атәыла адәныҟатәи аусқәа рминистр Инал Арӡынбеи Ҭырқәтәыла иҟоу аԥсуа культуратә Центрқәа рхантәаҩы Мураҭ Махариеи реиԥылара мҩаԥысит, ҳәа иаанацҳауеит Аԥсны адәныҟатәи аусқәа Рминистрра апресс-маҵзура.

Аԥсны адәныҟатәи аусқәа Рминистрра аофициалтә саит иҟанаҵо адыррақәа рыла, иарбоу аиԥылара аҳәаақәа ирҭагӡаны, Мараҭ Махариа Инал Арӡынба Афедерациа имҩаԥнаго аусура азы адырра ииҭеит. Ахәҭакахьала, уи Ҭырқәтәылатәи аԥсуа диаспора аидкылареи Аԥсны Аҳәынҭқарра Ҭырқәтәылеи иааизакны арегион аҿы апопулиаризациеи иазкны имҩаԥгоу ауснагӡатәқәа дырзааҭгылеит. Афедерациеи Аԥсны Аҳәынҭқарра аминистррақәеи ахылаԥшырҭақәеи русеицура иадҳәалоу актуалра злоу азҵаарақәа жәпакы ҷыдала иазгәеиҭеит.

Аиԥылара иалахәыз Аԥсни Ҭырқәтәылеи рыжәларқәа рыбжьара аимабзиаратә еизыҟазаашьақәа рыҿиареи рырӷәӷәареи рзы иҟоу акультуратәии жәлар рдипломатиеи ахархәара иаҵоу аҵакы ахадара азгәарҭеит.

Афедерациа ахантәаҩы иара убас аԥсуа диаспора ахаҭарнакцәа еизакны иахьынхо аҭыԥқәа рҿы аԥсуа бызшәа акурсқәа реиҿкаара аҿы ацхыраара аиуразы аминистр иахь аҳәара ҟаиҵеит.

Ҭырқәтәыла иҟоу аԥсуа культуратә Центрқәа Рфедерациа 2010 шықәсазы иаԥҵан.

Уажәы Аԥсуа культуратә Центрақәа Рфедерациа иалоуп Ҭырқәтәыла иахьаҵанакуа аус зуа 17 аԥсуа культуратә Центрқәа. Урҭ 10 000 - ҩык инарзынаԥшуа алахәылацәа еиднакылоит  

Аиԥылара иара убас рхы аладырхәит Ҭырқәтәыла иҟоу аҷыдалкаатә зинмчы змоу Аԥсны Аҳәынҭқарра ахаҭарнак Ибрахим Аҩӡба, ҳџьынџьуаа рҭоурыхтә ԥсадгьыл ахь рырхынҳәразы аҳәынҭқарратә Еилакы ахантәаҩы Вадим Ҳаразиа, аҳәынҭқарратә Еилакы ахантәаҩы ихаҭыԥуаҩ Асҭамыр Багаҭелиа, Аԥсны Аҳәынҭқарра адәныҟатәи аусқәа Рминистрра Ааигәа Мрагылареи Африкеи рдепартамент аиҳабы Инвер Алшәынба, иҷыдоу анапынҵақәа рзы Аԥсны адәныҟатәи аусқәа Рминистрра Ацҳаражәҳәаҩ Алиас Асабуа, иҷыдоу анапынҵақәа рзы Аԥсны адәныҟатәи аусқәа Рминистрра Ацҳаражәҳәаҩ Инар Гыцба, Ҭырқәтәыла иҟоу Аԥсны Аҳәынҭқарра Ахаҭарнакра абжьгаҩ Џьансыхә Лазба, Адунеизегьтәи аԥсуа-база жәлар Рконгресс Иреиҳаӡоу Ахеилак апрезидиум алахәыла, Ҭырқәтәыла иҟоу аԥсуа культуратә Центрқәа Рфедерациа ԥыхьатәи ахантәаҩы Ахмет Хапат (Џьеилан), Ҭырқәтәыла иҟоу аԥсуа культуратә Центрқәа Рфедерациа анапхгараҭара ахеилак алахәыла Иумит Ашба (Шахин), иара убас Сҭампыл иҟоу аԥсуа культуратә Центр ахантәаҩы  Селимиие Албуз Иаган.

Last modified on Аҩаша, 18 Ажьырныҳәа 2022 16:35
« АЛХРАТӘ КОМИССИА ХАДА АԤСНЫ ЖӘЛАР РЕИЗАРА-АПАРЛАМЕНТ АДЕПУТАТЦӘА РАЛХРАҚӘА РЕИҾКААРЕИ РЫМҨАԤГАРЕИ ИРЫЗКУ АУСМҨАԤГАТӘҚӘА РЫМЗАРТӘ ПЛАН ШЬАҚӘНАРӶӘӶӘЕИТ. ҲАЗҬАЛАЗ АШЫҚӘС ҾЫЦ 17 МШЫ РЫЛА АКОРОНАВИРУСТӘ ҾКЫ ЧЫМАЗАРА ААРԤШХЕИТ 975 – ҨЫК РҾЫ. »
Хыхь