Аилатәара рхы аладырхәит атәыла афинансқәа рминистр Владимир Делба, агәабзиарахьчара аминистр Едуард Быҭәба, Апсихиатриатә хәышәтәырҭа аҳақьым хада Ирина Ануа, аҩныҵҟатәи аусқәа Рминистрра ахатәра ахьчара Аусбарҭа анапхгаҩы Тариел Габелиа, «Аҟәаргылара» адиректор Рауф Ҳаразиа.
Алеқсандр Анқәаб аусмҩаԥгатәқәа рыплан аиқәыршәаразы анапынҵақәа ҟаиҵеит. Иарбоу аплан иалагалахоит ацхыраагӡатәи анхамҩатәи (аҳауеиҭныԥахлара, аканализациа, уҳәа) асистемақәа реиҭашьақәыргылара иара убас иҷыдоу арежим иаҵанакуа акорпуси иааизакны ахәышәтәырҭа аҵакыреи рыхьчареи аԥаенџьырқәеи ашәқәеи рыблоки арӷәӷәреи.