Жәлар рԥыза Владислав Арӡынба инапхгарала еиқәдырхеит ҳ-Аԥсынра. Иҭабуп ҳәа раҳҳәоит аԥсуа жәлар ыҟазааразы аԥсра иазцоз ҳветеранцәа, урҭ ирыдгылаз, хатәгәаԥхарала иаҳзааз, иара убас егьырҭ амилаҭқәа рхаҭарнакцәа. Хашҭра ақәӡам урҭ рфырхаҵара, ргәымшәара, реидгылара! Иахьа, Аԥсны еиуеиԥшым ахырхарҭақәа рыла аҿиарамҩа иқәлартә аҭагылазаашьа амоуп. Убри зегьы зыбзоуроу, ҳаҭыр зқәу сыуаажәлар, шәара шәоуп. Ҳара иҳамоуп ҳзықәгәыӷша аҿар! Ҳҳәынҭқарра иаҵеицәа хьӡырҳәагақәаны иҟалааит! Ирацәахааит шәгәы шьҭызхша, уаҵәтәи амш агәрагара шәызҭаша ахҭысқәа, шәыҩнаҭақәа агәырӷьа-ччара агымзаит.  Ҳаҭыр зқәу сыуаажәлар,  Аԥсны Аџьынџьтәылатә еибашьра аветеранцәа, ҳаԥсадгьыл Аԥсны зхы ақәызҵаз ҳаибашьцәа – фырхацәа рҭаацәа, гәык-ԥсык ала ишәыдысныҳәалоит Аиааиреи Ахьыԥшымреи рымш. Нагӡара рықәзааит Аԥсни аԥсуа жәлари!