Аԥсуа жәлар рыхьӡала, хаҭала Сара сыхьӡала XIII  Жәларбжьаратәи Ачерқьестә Ассоциациа асасцәеи аделегатцәеи абзиара шәымаз ҳәа расҳәоит.

1991 шықәса рзы иаԥҵаз Жәларбжьаратәи Ачерқьестә Ассоциациа, ҳазҭагылоу аамҭазы адунеи зегьы аҟнытә ачерқьестә еиҿкаарақәа еидызкыло черқьестә еилазаара дууп. Ҳарҭ гәахәала иҳадаҳкылоит адыга милаҭ рбызшәеи ркультуреи реиқәырхареи, аиашьара зыбжьоу аԥсуа, адыга жәларқәа ракра арӷәӷәареи, ҿыц игыло абиԥарақәа иаҳзеиԥшу адоуҳатә-леишәатә ҵас бзиақәа рытрадициатә система рылааӡареи иазку анарха змоу аполитика аԥҵара рус аҟны аԥышәа ду змоу уи анагӡарагьы зылшо Жәларбжьаратәи Ачерқьестә Ассоциациа аихьӡарақәа зегьы.

Аԥсны жәлар ҳаҭырқәҵарыла иргәаладыршәоит 1992-1993 шш. Аԥсны Аџьынџьтәылатә еибашьра ашықәс хьанҭақәа раан  Жәларбжьаратәи Ачерқьестә Ассоциациа ацхыраара атәы.

Сара агәра згоит Жәларбжьаратәи Ачерқьестә Ассоциациа алахәцәа зегьы рырҿиаратә лшарақәа реизакреи рконструктивтә позициеи адыга жәлар рыҿиаразы аԥхьаҟа аҭагылазаашьа ҿыцқәа шаадыртуазы. Ачерқьес культура аҵас бзиақәа – аҭаацәараҟны аиҳабы ҳаҭыр иқәҵара, Адыге Хабзе анормақәеи аԥҟарақәеи адыга жәлар рыҿиара шьаҭас иамоуп. 

Жәларбжьаратәи Ачерқьестә Ассоциациа XIII Аконгресс аартра шәыдныҳәало, ишәзеиӷьасшьоит ҳаиашьаратә адыга жәлар, аԥхьаҟатәи абиԥарақәа реизҳазыӷьара ахьӡала имҩаԥыжәго шәырҿиаратә усураҟны аихьӡарақәа».