«Апроект апснытәи ажурналистцәа урыстәылатәи аинтеллектуалтә елита ахаҭарнакцәа рԥылара, Урыстәыла, Аԥсны, иааизакны адунеи зегьы аҿы имҩаԥысуа ахҭысқәа рзы аспикерцәа ишиашоу азҵаарақәа рыҭара, азҵаарақәа жәпакы рыла агәаанагарақәа реимадара азы, уҳәа алшара роуеит.
Аекспертцәа раҳасабала Аԥсны аҭаара иазхиоуп еицырдыруа ажурналистцәа, ашәҟәыҩҩцәа, аполитологцәа, аекономистцәа, акультуреи аҟазареи русуҩцәа», - ҳәа адырра ҟанаҵоит Аԥсны ажурналистцәа Реидгыла.
Жәларбжьаратәи амедиа-клуб «Формат-А3» Аԥсны ажурналистцәа Реидгылеи апроектқәа реицынагӡара иалагоит ҳазҭоу ашықәс цәыббрамза иахымгакәа. Апроект асасцәа ралкаара аан Аԥсны ажурналистцәа Реидгыла ажурналистцәа, ареспублика амассатә информациа ахархәагақәа рредакциақәа, иара убас Аԥсны арҿиаратә еидгыларақәеи анаукатә институтқәеи рабжьгарақәа ҳасаб азнауеит.