Аҟәа. Жәабранмза 24, 2022 шықәса. Аԥсныпресс. ДЖәР, ЛЖәР рҟынтәи ахҵәацәа Аԥсныҟа иааргеит. Уажәы урҭ Аҟәа ақалақь, асасааирҭа «Аиҭар» аҿы ирыдыркылоит, ҳәа Аԥсныпресс акорреспондент иҿцәажәо ирҳәеит Иҷыдоу аҭагылазаашьақәа рзы Аминистрра аҿы.
Зынӡа иааит 93-ҩык: 55 – ҩык Луганск аҟынтәи, 38 -ҩык –Донецк аҟынтәи.
Аҳәынҭқарра Ахада Аслан Бжьаниа жәабранмза 21 рзы Донецктәии Лугансктәии Жәлар Рреспубликақәа рыҟны аҭагылазаашьа ахьыуадаҩхаз инамаданы амчратә усбарҭақәа рнапхгаҩцәеи Иҷыдоу аҭагылазаашьақәа рзы Аминистрреи ахҵәацәа рыдкылареи рнырхаразы аҭыԥи реиҿкааразы адҵақәа риҭеит.
