Аҟәа. Жәабранмза 18, 2022 шықәса. Аԥсныпресс. Аԥсны Аҳәынҭқарра Ахада Жәлар Реизара-Апарламент ахь Апарламент ахь алхрақәа рымҩаԥгара арыцхә хәажәкырамза 12, 2022 шықәса аҟынтәи лаҵарамза 14, 2022 шықәсахьы аиагара азҵаара ахәаԥшразы ааԥхьара ҟаиҵеит ҳәа асоциалтә каҭақәа рыла анонимла иаларҵәаз аинформация мцыркуп ҳәа Аԥсныпресс акорреспондент адырра ирҭеит Аҳәынҭқарра Ахада ипресс-маҵзура аҿы.
Аԥсны Аҳәынҭқарра Аконституциатә закәан инақәыршәаны, Аԥсны Жәлар Реизара-Апарламент ахь алхрақәа рымҩаԥгара арыцхә иарбоу азакәан инақәыршәаны Аҳәынҭқарра Ахада ила ишьақәырӷәӷәахоит.
Апарламент ахь алхрақәа рымҩаԥгара арыцхә Аҳәынҭқарра Ахада иду аҭакԥхықәрақәа инарықәыршәаны, азакәан ишаҳәо ала ишьақәыргылоуп.
