Манана Гәыргәылиа аԥыза-министр иҟаиҵаз адныҳәара азы иҭабуп ҳәа иалҳәеит. Убри аан лара Аԥсныпресс аколлектив аҿаԥхьа аинформациатә Маҵзура ҳазҭагылоу аамҭа иақәшәо аҟаларазы ауснагӡатәқәа маҷымкәа ишьҭоуп ҳәа иазгәалҭеит.
Поиск по слову
Категории
Категории
АԤЫЗА-МИНИСТР «АԤСНЫПРЕСС» АРЕДАКТОР ХАДА ЛИУБИЛЕИ ЛЫДИНЫҲӘАЛЕИТ.
Ашәахьа, 07 Жәабран 2022 20:16
196
Аҟәа. Жәабранмза 7, 2022 шықәса. Аԥсныпресс. Аԥсны аԥыза-министр Алеқсандр Анқәаб аинформациатә Маҵзура «Аԥсныпресс» аредактор хада лиубилеи лыдиныҳәалеит.
«Ҳаҭыр зқәу Манана Михаил-иԥҳа, ҳара акыр ҵуеит аус еицаауеижьҭеи, Шәара шәыжәлар рҿаԥхьа ишәылшәыршахьоу, ижәбахьоу аџьабаақәа атәы аԥсуа жәлар ибзиаӡаны ирдыруеит. Аԥсны раԥхьатәи ихадоу аинформацитә Маҵзура анапхгара ашықәсқәа ирылагӡаны Шәара амассатә информациа ахархәагақәа русзуҩцәа иҿыцу рабиԥара реиҵааӡара аус аҿы ишәылшәыршаз даара ирацәоуп. Ламысцқьала шәусура азнеира иабзоураны, «Аԥсныпресс» иаланарҵәо аинформациа агәрагара алыршахеит. Ҳара ҳганахьала Шәареи, напхгара зышәҭо шәколлегацәеи адгылара рыҭара есымша ҳазхиоуп. Ари амш аҽны агәабзиареи агәамчи адунеи аҿы абзиарақәас иҟоу зегьы шәзеиӷьасшьарц сҭахуп», - ҳәа аинформациатә Маҵзура «Аԥсныпресс» аредактор хада Манана Гәыргәылиа длыдныҳәало иҳәеит атәыла аԥыза-министр Алеқсандр Анқәаб.