«Афон Ҿыц аӡылаеиқәыршәара асистема шьаҭанкыла аиҭашьақәыргылара (1 аетап)»,  иара убас «Афон Ҿыц аӡыиагара асистема  шьаҭанкыла аиҭашьақәыргылара (1 аетап)»,   азы Аинвестициатә Программа ала афинанстәра азы иазԥхьагәаҭоу аԥаратә хархәагақәа рлемит 100 664 970 мааҭ , 100 014 930 мааҭ рҟынӡа инаӡоит. Анардкылаҩ хадацәа: - Афон Ҿыц ақалақь Амуниципалтә Унитартә Наплакы «Аӡыканал», Зҭакԥхықәра Ԥку Аилазаара «ГлавСтрой».

Аусурақәа аграфик инақәыршәаны имҩаԥысуеит.  Аусурақәа рхаҭабзиареи рыҽҳәара аҭакӡареи рганахьала аҽԥынкыларақәа ыҟаӡам. Аха аусурақәа ахьымҩаԥысуа аҭыԥқәа рҿы аҭагылазаашьа ишахәҭоу еиԥш иҟам. Анардкылаҩцәа урҭ ишахәҭоу ала идырҽеироуп. Иарбоу аусурақәа рзы аныхтәқәа зегьы иҟоу ахарџьынҵа аҿы иарбоуп. Апроект Афон Ҿыц аҿиара ҳасаб азуны еиқәыршәоуп, уи ессааира зхыԥхьаӡара еизҳауа атуристтә обиектқәа рҭаххрақәа рынагӡара азы иалкаау апотенциал алагалоуп.

Кристина Озган иара убас Аинвестпрограмма «Афымцалашаратә станциеиҵақәеи аихшаратә цәаҳәақәеи рмодернизациа» аҳәаақәа ирҭагӡаны зеиҭашьақәыргылара мҩаԥысуа астанциаеиҵа «Бзыԥ» аҿы аусурақәа рцашьа гәалҭеит.  

Афинанстәра азеиԥш шәагаа 544 млн. мааҭ рҟынӡа инаӡоит. Ирыбжьарҵаз  аконтракт ала  аусурақәа нарыгӡоит Ареспубликатә Унитартә Наплакы «Амшынеиқәафымцамч» аусзуҩцәа.