Поиск по слову

Категории

Категории

Календарь

« Лаҵара 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
АЖӘАБЖЬҚӘА

АЛАДА УРЫСТӘЫЛАТӘИ АРРАТӘ ОКРУГ АСАПИОРЦӘА ЖӘЛАРБЖЬАРАТӘИ АҲАИРБАӶӘАЗА «АҞӘА» ИАХЬАҴАНАКУА АМИНАҚӘА РЫҴХРА ИАЗКУ АУСУРАҚӘА ИРЫЛАГЕИТ.

Аԥшьаша, 25 Абҵара 2021 14:03 654

Аҟәа. Абҵарамза 25, 2021 шықәса. Аԥсныпресс. Чечентәылатәи Ареспублика аҿы иҟоу Алада-Урыстәылтәи Арратә Округ анџьныр-еиқәырхаратә ҟәшеиҵа аруаа жәларбжьаратәи аҳаирбаӷәаза «Аҟәа» аҵакыра аҿы аминақәа рыҵхра иадҳәалоу аусура иалагеит. 

Алада-Урыстәылатәи арратә Округ апресс-маҵзура иҟанаҵо адыррақәа рыла, уажәы аруаа иахьа уажәраанӡа иԥымжәакәа иаанханы иҟаз аминақәеи арҭҟәацгақәеи рҟынтәи  игәарҭеит иагьыдрыцқьеит 0,2 га адгьыл аҵакыра. Зынӡа асапиорцәа иҭырҵаараны иҟоуп 7 га рҟынӡа зынаӡара уадаҩу адгьыл.

Асапиорцәа русура аруадаҩуеит аҵиаақәа реилачыра, уи инамаданы алсра ахьыцәгьоу  аҭыԥқәа  рыҭҵаара азы атанк Т-72 абаза ала анџьныртә машьынақәа  ИМР-2 ахархәара роуеит. 

Аԥсны аҳаирбаӷәаза аҵакыра аҿы аминақәа рыҵхра  иазку аусмҩаԥгатәқәа рхы аладырхәуеит  14 – ҩык рҟынӡа Алада Урыстәылатәи арратә Округ аруаа, урҭ рахьынтә  10 –ҩык сапиорцәоуп, Чечентәи Ареспублика аҿы аминақәа рыҵхара азы аԥышәа ду рымоуп.  

Асапиорцәа ирыԥшааз арҭҟәацгақәа иҟоуп атакԥжәагақәеи аминаршәгатә минақәеи. Зыҵхреи зыиагареи алымшо арҭҟәацгақәа аҭыԥ аҿы  аԥжәага ала иржәахоит.

 Иарбоу аусмҩаԥгатәқәа Аԥсны Аҳәынҭқарра аԥыза-министр Алеқсандр Анқәаб В.Г.Арӡынба ихьӡ зху Жәларбжьаратәи аҳаирбаӷәаза «Аҟәа» аиҭашьақәыргыларазы Аԥсны Урыстәылатәи Афедерациа атәылахьчара аминистр актәи ихаҭыԥуаҩ – Арбџьармчқәа Рыштаб Хада Аиҳабы, ар аинрал Валери Герасимов  ихьӡала   инаишьҭыз аҳәара инақәыршәаны еиҿкаахеит.

 

Last modified on Ашәахьа, 29 Абҵара 2021 19:31
« АСЛАН БЖЬАНИА ЕИДУ АМИЛАҬҚӘА РЕИҾКААРА АХАҬАРНАКЦӘА РАХЬ АԤСНЫ ИҞОУ ИЖӘЫТӘӠАТӘИУ АИАШАХАҴАРАТӘ ԤШЬАҬЫԤ – БЕДИАТӘИ АНЫХАБАА АИҬАШЬАҚӘЫРГЫЛАРАҞНЫ АЦХЫРААРА АЗЫ АҲӘАРА ҞАИҴЕИТ. АҲӘЫНҬҚАРРА АХАДА АСЛАН БЖЬАНИА АҞӘА АҚАЛАҚЬ АГӘЫ ИАЛСНЫ ИЦО АМҨАДУҚӘА ХԤА РҾЫ АИҬАШЬАҚӘЫРГЫЛАРАТӘ УСУРАҚӘА РЫМҨАԤЫСШЬА ГӘЕИҬЕИТ. »
Хыхь