Поиск по слову

Категории

Категории

Календарь

« Лаҵара 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
АЖӘАБЖЬҚӘА

ЛИУДМИЛА СКОРИК АԤЫЗА-МИНИСТР АТӘЫЛА АҾЫ ИШЬАҚӘГЫЛАЗ АСАНИТАР-ЕПИДЕМИОЛОГИАТӘ ҬАГЫЛАЗАШЬА АЗЫ АДЫРРА ИЛҬЕИТ.

Ахаша, 27 Жьҭаара 2021 17:15 151

Аҟәа. Жьҭаарамза 27, 2021 шықәса. Аԥсныпресс. Атәыла аҿы ишьақәгылаз асанитар-епидемиологиатә ҭагылазашьеи уи аиӷьтәра азы инагӡахо ауснагӡатәқәеи ирызкын аԥыза-министр Алеқсандр Анқәаби асанитар ҳақьым хада Лиудмила Скорики реиԥылара, ҳәа адырра ҟанаҵоит аминистрцәа Реилазаара апресс-маҵзура.  

Асанитартә ҳақьым хада иҟалҵаз адыррақәа рыла, жьҭаарамза алагамҭазы акоронавирустә ҿкы чымазара иҿыцны ацәырҵра ашьҭахь, уажәы маҷк иадамзаргьы ачымазара злаҽыз рхыԥхьаӡара еиҵахо иалагеит.  Аха Лиудмила Скорик лгәаанагарала, иарбоу аҭагылазаашьала азеԥш ҭагылазаашьа аиӷьтәра аҭыԥ амоуп ҳәа узҳәаӡом. Атәылауаа уаанӡа еиԥш уажәгьы иалагалоу аԥкрақәа нарыгӡаӡом, ишьақәыргылоу аԥҟарақәа ирықәныҟәаӡом.  

Цәыббрамза анҵәамҭазы аныҳәатә рыцхәқәа инарымаданы иназыцҵоу аԥсшьарамшқәа раан амассатә усмҩаԥгатәқәеи хыԥхьаӡара рацәала ауаа реизареи ирыхҟьаны ари ачымазара ҿкы злаҽыз рхыԥхьаӡара иаалырҟьаны иазҳаит. Убри аҟнытә, асанитартә ҳақьым хада лгәаанагарала, ашколтә ԥсшьарамшқәа рыцҵареи иназыцҵоу аԥсшьарамшқәа ралагалареи иҟалар алшоит хра злам аеффект аиургьы – аамҭала аҽыԥхьакра арежим анагӡара амыцхәрас ауааԥсыра ҩаԥхьа массала иахьеизо аҭыԥқәа рахь еихоит.  

Акоронавирустә ҿкы чымазара ахәышәтәраан активла ахархәара зауа зыхәԥса ҳараку ахәшәқәа рдефицит, ареспублика аҿы аус зуа аковидттә хәышәтәырҭақәа рҿы аҭыԥқәа разымхара, иара убас авакцинациа иԥсыҽӡаны амҩаԥгара ҳасаб азуны иуҳәозар, аҭагылазаашьа акырӡа иуадаҩхар алшоит.  

Убри инамаданы атәыла аԥыза-министр асанитартә ҳақьым хада длыҿцәажәо аԥкратә уснагӡатәқәа рырӷәӷәареи абиуџьеттә усхкы аҿы аус зуа, ауааԥсыра ирзааигәаӡаны аимадара змоу аусзуҩцәа ихымԥадатәиу рвакцинациеи ралыршара азы ажәалагала ҟаиҵеит. Ари азҵаара ауааԥсыра акоронавирустә ҿкы чымазара рацәыхьчара азы Акоординациатә Штаб ахь ахәаԥшразы анагара азы ажәалагалар ҟаҵоуп.   

Лиудмила Скорик иара убас иҟалҵаз адыррақәа рыла, Жәларбжьаратәи Аџьар Ҟаԥшь Акомитет ала Аԥсныҟа иаагоуп авакцинақәа рышьҭаҵара азы архьшәашәагатә еиқәыршәагақәа. Уи заагара азԥхьагәаҭаз 30  нызықь доза рҟынӡа инаӡо авакциана «Спутник V» иадҳәалахеит. Иара убас ауааԥсыра агрипп чымазара аҟынтәи алаҵа рылаҵара азԥхьагәаҭоуп.  

Алеқсандр Анқәаб COVID-19 аҟынтәи алаҵа ҟазҵаз Аԥсны атәылауаа рзы иаку адыррақәа  реизак ашьақәыргылареи QR-код ҳәа изышьҭоу авакцинациа азы аршаҳаҭга алагалареи рзы аусура арццакра азы адҵа ҟаиҵеит.  

 

 

Last modified on Аԥшьаша, 28 Жьҭаара 2021 18:01
« АҨНЫҴҞАТӘИ АУСҚӘА РУСБАРҬАҚӘА РАԤҴАРА 100-ШЫҚӘСА АХЫҴРА ИАЗКУ АУСМҨАԤГАТӘҚӘА ИԤКУ АФОРМАТ АҾЫ ИМҨАԤГАХОИТ. АԤСНЫ ЕСЫҼНЫ 130-140 – ҨЫК ИНАРЗЫНАԤШУА АКОРОНАВИРУСТӘ ҾКЫ ЧЫМАЗАРА COVID-19 ЗЛАҼЫЗ ААРԤШХОИТ. »
Хыхь