Ҩымш ирылагӡаны Алада Федералтә Округ 8 субиекти Алада Урыстәылатәи Апарламенттә Ассоциациа асоциациатә лахәалацәа раҳасабала иалоу 5 субиекти рҟынтәи азакәанԥҵаҩцәа аԥсҭазаара аусхкқәа зегьы иаҵанакуа 40 инарзынаԥшуа аԥшьгарақәеи ааԥхьарақәеи афедералтә ҩаӡара ахь анагара ирылацәажәалоит.

Аусура зегьы Алада Урыстәылтәи Апарламенттә Ассоциациа арегламенти аамҭатә еиҿкаареи инарықәыршәаны имҩаԥысуеит.

Иахьатәи амш зегьы иалагӡаны Алада Урыстәылатәи Апарламенттә Ассоциациа акомитетқәа ааба реилатәарақәа мҩаԥысуеит:

Азакәанԥҵара, аҳәынҭқарратә ргылареи аҭыԥантәи ахаланапхгареи рзы;

Асоциалтә политика, аџьеи агәабзиарахьчареи рзы;

Абиуџьети ашәахтәқәеи ахатәреи рзы;

Аграртә зҵаарақәеи аԥсабарахархәареи рзы;

Амилаҭбжьаратәи аизыҟазаашьақәеи апарламентбжьаратәи аимадареи, абҩарҵәыреи аспорти, атуризми аҿар рызҵаарақәеи рзы;

Аргылара, анхара-коммуналтә нхамҩа, аенергетика, атранспорти аимадареи рзы;

Алада Урыстәылатәи Апарламенттә Ассоциациа аграртә зҵаарақәеи аԥсабарахархәареи рзы Аилак аҵарадарра, анаука, акультуреи аинформациатә политикеи рзы;

Аекономикатә политикеи ааглыхреи адәныҟаекономикатә еимадареи рзы.

Алада Урыстәылатәи Апарламенттә Ассоциациа акомитетқәа реилатәарақәа рхы аладырхәуеит Аԥсны Жәлар Реизара-Апарламент адепутатцәа Лаша Ашәба,  Алхас Џьынџьал, Ахра Абыхәба.

Жьҭаарамза 22 рзы Алада Урыстәылатәи Апарламенттә Ассоциациа Ахеилак аилатәара мҩаԥгахоит. Уи ихы алаирхәраны дыҟоуп  Аԥсны Жәлар Реизара-Апарламент Аиҳабы ихаҭыԥуаҩ Левон Галустиан. Аконференциа аусура апленартә еилатәара ала ихыркәшахоит.

Аконференциа аҽазыҟаҵараан Аԥсны Жәлар Реизара-Апарламент аплошьадка аҿы авидеоконференциатә еимадара асистема аусура агәаҭара мҩаԥган, иарбоу апарламентарцәа ркоммуникациа алыршаразы атехникатә зҵаарақәа аус рыдулан.

Цәыббрамза 30, 2005 шықәсазы Аԥсны Жәлар Реизара-Апарламент ассоциациатә лахәала аҳасабала   Алада Урыстәылатәи Апарламенттә Ассоциациа VI Аконференциа аӡбамҭа инақәыршәаны АУАпА иалалеит.