Ҳара атәыла аԥсҭазаареиқәыршәара аобиектқәа рҟынтәи иҳауо азыҳәамҭақәа зегьы есымша ианаамҭоу ахшыҩзышьҭра аҳҭоит. Ихадоу ахшыҩзышьҭра аиуеит ҳтәылауаа ргәабзиареи рыԥсҭазаареи азы аҭакԥхықәра зду аобиектқәа! Аха, рыцҳарас иҟалаз, иарбоу ашәҟәы Ареспубликатә унитартә Наплакы «Амшынеиқәафымцамч» аканцелиариа ахь инашьҭӡамызт. Иарбоу афакт ала Аԥсны аҳәынҭқарратә шәарҭадара Амаҵзура аусзуҩцәа рыла агәаҭара мҩаԥган.  Ареспубликатә унитартә Наплакы «Амшынеиқәафымцамч» аусзуҩцәа рыла ашәҟәы аҿы иарбоу  аиқәыршәага,  иҭкааны иуҳәозар адашрацәатә кабели зноминал   320А аҟынӡа инаӡо алагалатә автоматикатә аиԥырҟьагеи аплантә режим ала рыԥсахра мҩаԥган, ҳәа иазгәаҭоуп Ареспубликатә унитартә Наплакы «Амшынеиқәафымцамч» иаланарҵәаз аҳәамҭа аҿы.

*** Агәыҳалалратә еиҿкаараа «Ҳара ҳаицуп», иара убас «Москватәи Аԥсуа диаспореи» иаарышьҭыз аԥаратә хархәагақәа рыла акомпиутертә тамограф   Aquilion 64 аагареи ашьақәыргылареи аусура алагалареи рзы ԥхынгәымза 15, 2020 шықәса рзы Аԥсны Аҳәынҭқарра агәабзиарахьчареи асоциалтә хьчареи Рминистрреи Зҭакԥхықәра Ԥку Аилазаара «Форсаит Медикали» Аиқәшаҳаҭра рыбжьарҵеит. Аконтракт ахәԥсаҵәҟьа 14 млн 350 нызықь мааҭ рҟынӡа инаӡоит.