Аҟәа. Жәабранмза 8, 2022 шықәса. Аԥсныпресс. Атәыла аҩныҵҟатәи аусқәа Рминистрра Аппарат Хадеи автоҳәынҭинспекциеи русзуҩцәа рымчқәа рыла жәабранмза актәи амчыбжь азы 1737 амҩатә ԥҟарақәа еилазгаз аарԥшын, урҭ рахьынтә 618 – автосаркьақәа рыԥшшәахәыркра анормақәа реилагара ауп, ҳәа иаанацҳауеит аҩныҵҟатәи аусқәа Рминистрра апресс-маҵзура.
91 – ҩык амашьынарныҟәҵаҩцәа ижәны ишыҟаз амашьына аԥсҟы акразы административтә хьырхәра иақәыршәахеит.
Аҩныҵҟатәи аусқәа Рминистрра амҩаҿы ашәарҭадара алыршареи амҩаҿы аныҟәара аԥҟарақәа реилагарақәа рыԥхьырҟәҟәаареи рзы есыҽны аусмҩаԥгатәқәа мҩаԥнагоит.
