Поиск по слову

Категории

Категории

Календарь

« Лаҵара 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
АЖӘАБЖЬҚӘА

2022 ШЫҚӘСАЗЫ АТАУАРҚӘА РҬЫЖЬРЕИ АУСУРАҚӘЕИ АМАҴЗУРАҚӘЕИ РЫНАГӠАРЕИ ЕИЗАКУ АШӘАГАА 93 МЛРД МААҬ РҞЫНӠА ИНАӠАР АЛШОИТ.

Ахаша, 29 Цәыббра 2021 16:39 237

Аҟәа. Цәыббрамза 29, 2021 шықәса. Аԥсныпресс. Аԥсны аминистрцәа Реилазаара аҿы   2022 шықәсазы Аԥсны асоциал-економикатә ҿиара азы аиндикативтә План шьақәдырӷәӷәеит.  Аусшәҟәы адгалара мҩаԥылгеит атәыла аԥыза-министр ихаҭыԥуаҩ, аекономика аминистр Кристина Озган.

«Аԥсны Аҳәынҭқарра 2022 шықәсазы асоциал-економикатә ҿиара азы аиндикативтә План апроект анаплакқәеи аиҿкаарақәеи 2020 шықәсазы, иара убас  2021 шықәса актәи аԥшьбарк азы фактла ишьақәыргылоу арбагақәа рыла ишьаҭаркуп», - ҳәа адырра ҟалҵеит лара.

Заанаҵтәи адыррақәа рыла, 2022 шықәсазы атауарқәа рҭыжьра, аусурақәеи амаҵзурақәеи рынагӡара еизаку ашәагаа  92 756 034,5 мааҭ рҟынӡа инаӡар алшоит,  ақыҭанхамҩа аҿы уахь иналаҵаны – 8 741 590,0 мааҭ, адәныҟаекономикатә усура аҿы  – 28 815 920,0 мааҭ.

«2022 шықәсазы аҭыжьра азы иазԥхьагәаҭоу ашәагаақәа, ақыҭанхамҩеи адәныҟаекономикатә усуреи аргылара-еибыҭаратә усурақәеи рырбагақәа уахь иналамҵакәа,  Аинвестициатә Программа ала  53 938 730,4 мааҭ рҟынӡа инаӡоит, уи  2021 шықәсазы иазԥхьагәаҭаз аасҭа 7,3% рыла еиҳауп,  иара убас 2020 шықәсазы фактла ишьақәыргылаз арбагақәа раасҭа 26,3% рыла еиҳауп», - ҳәа инаҵшьны иазгәалҭеит Кристина Озган.

 

 

Last modified on Асабша, 02 Жьҭаара 2021 13:57
« ЖЬҬААРАМЗА 1 ИНАРКНЫ ХАЗЫ ИГОУ АКАТЕГОРИАҚӘА ИРЫҴАРАКУА АТӘАНЧАҨЦӘА ИНАЗЫЦҴОУ АҚӘҴАҚӘА РОУРАНЫ ИҞОУП. 30-ҨЫК АРЕПАТРИАНТЦӘА – АИБАШЬРА АВЕТЕРАНЦӘА АНХАРҬА АХӘԤСА АШӘАРА АҞЫНТӘИ РХЫ ИАҚӘИҬТӘХОИТ. »
Хыхь