Аҟәа. Мшаԥымза 12, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Оҭари Иона-иԥа Аршба «Ахьӡ-Апша» аорден II аҩаӡара ианашьаразы Аусԥҟа инапы аҵаиҩит.

Аусԥҟа атекст аҟны иҳәоуп:

«Аԥсны Аҳәынҭқарреи Урыстәылатәи Афедерациеи рыбжьара аҳәынҭқаррабжьаратә еизыҟазаашьақәа рырӷәӷәараҟны илагаламҭа ду азы «Ахьӡ-Аԥша» аорден II аҩаӡара ианашьазааит Аршба Оҭари Иона-иԥа».

Оҭари Аршба – урыстәылатәи аполитик, Аҳәынҭқарратә Дума  IV, V, VI и VII ааԥхьарақәа адепутат,  апартиа «Урыстәыла Акзаара» алахәыла.