Аусшәҟәы адгалара мҩаҧигеит атәылахьчареи амилаҭтә шәарҭадареи рзы апарламенттә Еилакы ахантәаҩы, адепутат Илиа Гәыниа.

“Акоронавирусттә ҿкы чымазара СОVID-19 алаҵәара иахҟьаны атәыла аҩныҵҟа аепидемиологиатә ҭагылазаашьа ауадаҩхареи, аинфекциа алаҵәара ашәарҭара армаҷреи инамаданы, Аиааиреи ахьыҧшымреи Рымш 27-шықәса ахыҵра иазкны уаанӡа иазҧхьагәаҭаз амассатә ныҳәатә усмҩаҧгатәқәа раҧыхра азы Шәара шәахь ааҧхьара ҟаҳҵоит”, - ҳәа ахәҭакахьала иазгәаҭоуп Аҳәынҭқарра Ахада ихьӡала иҟаҵоу ааҧхьара атекст  аҿы.