Аслан Бжьаниа апрынц Ольденбургтәи  ихьӡ зху апарк, гагратәи аколоннада, амшын аҧшаҳәа, уҳәа дырҭааит.  

Шьаҭанкылатәи аргылара Аусбарҭа ахаҭарнакцәа имҩаҧысуа аусурақәа рзы адырра ҟарҵеит.  Апарк ареконструкциа азы аилаӡарақәа зегьы рыхәҧса  - 131 млн мааҭ рҟынӡа инаӡоит.  Иарбоу аусурақәа рахь иаҵанакуеит аӡыршәқәа рӡеизакырҭақәа, аканалқәа, рырҿыцра, аҵаргәатә ҭыӡқәеи, ӡыла аиқәыршәареи аихшареи рсистемеи реиҭашьақәыргылара. 72 млн мааҭ апарк аҵакыра аҭеиҭыҧш арҽеира иақәхарџьхеит. Шьаҭанкыла ирҿыцхоит апарк арлашара асистема. Аамҭа кьаҿ иалагӡаны арлашагатә шьаҟақәа шьақәыргылахоит, иара убас ашьаҟамҩақәа зегьы хаҳәцәыла ичаҧахоит.