Аҟәа. Жәбранмза 17, 2022 шықәса. Аԥсныпресс.  Жәлар Реизара-Апарламент адепутатцәа Иреиҳаӡоу аӡбарҭеи араионтә ӡбарҭақәа хԥеи рыӡбаҩцәа алырхит.

Аԥсны Аҳәынҭқарра Ахада Жәлар Реизара –Апарламент аҿы Ихаҭарнак Саида Быҭәба Аԥсны Аҳәынҭқарра Иреиҳаӡоу аӡбарҭа аӡбаҩыс лалхразы рыбжьы рҭиит   30-ҩык  адепутатцәа, аӡәы-мап икит.

Ирма  Дочиа Очамчыра араионтә ӡбарҭа аӡбаҩыс лалхра азы рыбжьы рҭиит 31-ҩык  адепутатцәа.    

Инал Кәыҵниа Гагра араионтә ӡбарҭа аӡбаҩыс далхуп. Уи азы рыбжьы рҭиит    28-ҩык адепутатцәа, хҩык-мап ркит.  

Мадина  Лазарева Гәдоуҭа араионтә ӡбарҭа аӡбаҩыс далхуп. Уи азы рыбжьы рҭиит  30-ҩык адепутатцәа, аӡәы-мап икит.