Ақалақьтә поликлиника, Ахәыҷтәы поликлиника, Ақалақьтә поликлиника, Аполиклиника №3 (Синоп) ачымазцәа рыдкылараан аԥкрақәа ралагаларазы азԥхьанҵа рыҭоуп.
АҞӘАТӘИ АПОЛИКЛИНИКАҚӘА РҾЫ ПЛАНЛА ИАРБОУ АЧЫМАЗЦӘА РЫДКЫЛАРА ИАГЫРХОУП.
Ашәахьа, 31 Ажьырныҳәа 2022 15:47
180
Аҟәа. Ажьырныҳәамза 31, 2022 шықәса. Аԥсныпресс. Аепидемиологиатә ҭагылазаашьа ауадаҩхареи, амедусбарҭақәа ирыдҵаало ауааԥсыра рхыԥхьаӡара аизҳареи иахҟьаны, Аҟәа ақалақь Ахадара агәабзиарахьчара Аусбарҭа анапхгаҩы Ирма Воуба ахәышәтәра-профилактикатә усбарҭақәа зегьы аепидемиаҿагыларатә уснагӡатәқәа (акарантин), рынагӡареи ахәышәтәырҭақәа рҿы ишьҭоу апациентцәа рыуацәеи рҭаацәеи рҭаара аԥкрақәа ралагалареи азы Адҵа лнапы аҵалҩит.