Print this page
АЖӘАБЖЬҚӘА

АӠБАРАТӘ ЕИЛАЗААРА ФАТИМА ХЫШБА ЛЫУАЦӘЕИ ЛҬЫНХАЦӘЕИ ИЛЫДЫШШЫЛЕИТ.

Аҩаша, 25 Ажьырныҳәа 2022 17:55 214
АӠБАРАТӘ ЕИЛАЗААРА ФАТИМА ХЫШБА ЛЫУАЦӘЕИ ЛҬЫНХАЦӘЕИ ИЛЫДЫШШЫЛЕИТ.

Аҟәа. Ажьырныҳәамза 25, 2022 шықәса. Аԥсныпресс. Ажьырныҳәамза 23,  2022 шықәса рзы 75 шықәса дшырҭагылаз, акыраамҭа илыхьуаз ачымазара ашьҭахь лыԥсҭазаара далҵит ԥхьатәара иҟаз аӡбаҩ Фатима Филипп-иԥҳа Хышба.  

Фатима Хышба лусуратә мҩа хацлыркит 1968 шықәсазы Ростовтәи Аҳәынҭқарратә Университет даналга ашьҭахь Аԥснытәи АССР апрокуратура аусбарҭақәа рҿы.

1978 - 1991 шықәсқәа рзы Гагра ақалақь аӡбаҩыс, анаҩс,  2005 шықәсанӡа Гагра аиуристтә консультуциа адукатс аус луан.  

Фатима Хышба 2005 шықәазы Аԥсны Аҳәынҭқарра Иреиҳаӡоу аӡбарҭа Ахантәаҩы ихаҭыԥуаҩыс далхын. Уи араҟа 2008 шықәанӡа –  ҳаҭырла ԥхьатәара дцаанӡа аус луан. Аӡбаратә усбарҭақәа рҿы лусура ашықәсқәа рзы Фатима Филипп-иԥҳа Хышба  ззанааҭтә ҩаӡара ҳаракыз азиндырҩы иаҳасабала лхы аалырԥшит, уи азиндкыларатә ԥышәа аҿиара ллагала ду алалҵеит.

Аԥсны аӡбаратә еилазаара Фатима Филипп-иԥҳа Хышба лыԥсҭазаара алҵра инамаданы гәалсра дула ирыдышшылоит лыуацәеи лҭынхацәеи.

 

Last modified on Аԥшьаша, 27 Ажьырныҳәа 2022 20:17