Аштамм ҿыц SARS-CoV-2 алаҽра азы аинформациа Асаниатр-епидемиологиатә Станциа ахь иҟалеит ажьырныҳәамза 22 рзы, усҟан апациентцәа руаӡәы Ареспубликатә хәышәтәырҭа атерапевт дидҵаалеит.
АКОРОНАВИРУС АШТАММ ҾЫЦ ОМИКРОН АԤСНЫ ИШЬАҚӘЫРГЫЛОУП.
Ашәахьа, 24 Ажьырныҳәа 2022 19:53
125
Аҟәа. Ажьырныҳәамза 24, 2022 шықәса. Аԥсныпресс. Акоронавирустә ҿкы чымазара аштамм ҿыц «Омикрон» Аԥсны ишьақәыргылахеит, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.
Аексперименталтә патологиеи атерапиеи рзы Аҭҵаара-дырратә Институт авирусологиеи аиммунологиеи рлабораториа аиҳабы, Аԥсны ауааԥсыра акоронавирустә ҿкы чымазара рацәыхьчара азы Аоперативтә Штаб алахәыла, агәабзиарахьчара аминистр ицхырааҩ Алиса Матуа лажәақәа рыла, «омикрон» злаҽыз ауаа рхыԥхьаӡара 30-ҩык рҟынӡа инаӡахьеит. Уи ишазгәалҭаз ала, аштамм «омикрон» еиҳа ирласны аӡәы иҟынтәи даҽаӡәы иахь ииасуеит, убри азы акыр ихымԥадатәны иҟоуп аԥкрақәа зегьы рынагӡареи ахыхьчареи.