Аҟәа. Ажьырныҳәамза 18, 2022 шықәса. Аԥсныпресс. Аԥсны адәныҟатәи аусқәа рминистр Инал Арӡынба Аԥсны иҟоу Приднестровтәи Молдавтәи Ареспублика Аофициалтә Хаҭарнакра аԥҵара 15- шықәса ахыҵра инамаданы Гарри Кәпалба ихьӡала адныҳәаларатә шәҟәы дәықәиҵеит.
Адныҳәаларатә шәҟәы аҟны, ахәҭакахьала иазгәаҭоуп:
«Ҳаҭыр зқәу Гарри Сергеи-иԥа, Аԥсны Аҳәынҭқарра аҿы Приднестровтәи Молдавтәи Ареспублика Аофициалтә Хаҭарнакра аԥҵара азы Ақәҵара анапаҵыҩра амш инаркны 15-шықәса ахыҵра шәыдысныҳәалоит.
Ари Аԥсни Приднестровиеи ирыбжьоу аизыҟазаашьақәа рыҿиара азы хра злоу шьаҿаны иҟалеит. Ахаҭарнакра инанагӡо аусурала Аԥсны Аҳәынҭқарреи Приднестровтәи Молдавтәи Ареспубликеи рыбжьара аусеицуреи аиҩызареи рыҿиареи рырӷәӷәӷареи рзы алагала ду ҟанаҵоит.
Агәра сгоит, ҳаҭыр зқәу Гарри Сергеи-иԥа, Ахаҭарнакра аусура аринахысгьы аҩганк рзы аинтерес зҵоу еиуеиԥшым аусхкқәа рҿы аусеицура аҿиара ишацхраало».