Поиск по слову

Категории

Календарь

« Хәажәкыр 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ВАХТАНГ АБҲАЗОУ ҨАԤХЬА АԤСНЫ АШӘҞӘЫҨҨЦӘА РЕИДГЫЛА АХАНТӘАҨЫС ДҞАҴОУП.

Аԥшьаша, 28 Мшаҧы 2022 13:13 97

Аҟәа. Мшаԥымза 28, 2022 шықәса. Аԥсныпресс.  Ахаша,  мшаԥымза 27 рзы имҩаԥысит Аԥсны ашәҟәыҩҩцәа Реидгыла  XIV Аизара Ду. Аизара Ду амшхәаԥштә зҵаарақәаны иқәгылан: Ашәҟәыҩҩцәа Реидгыла ахантәаҩы Вахтанг Абҳазоу инаигӡаз аусура азы аҳасабырба аҟаҵареи ахантәаҩы ҿыц иалхреи.  

Аусмҩаԥгатә аԥсуа литература ашьаҭаркҩы Дырмит Гәлиа ибаҟа амҵан ашәҭ шьыҵәрақәа рышьҭаҵарала иалагеит.   

 Вахтанг Абҳазоу аҵыхәтәантәи хәы-шықәса ирылагӡаны Аԥсны ашәҟәыҩҩцәа Реидгыла инанагӡаз аусура азы аҳасабырба ҟаиҵеит. Уи имҩаԥгаз аусура иԥкааны далацәажәеит, иара убас Аԥсны алитературатә ԥсҭазаара аҿы имаҷымкәа иҟоу апроблемақәа дырзааҭгылеит.  

Аизара Ду аартра еизаз онлаин-режим ала ирыдиныҳәалеит Аԥсны Жәлар рышәҟәыҩҩы ду Алықьса Гогәуа.

Аизара Ду аҿы иара убас иқәгылеит ажурнал «Алашара» аредактор Хада Анатоли Лагәлааи ахәыҷтәы журнал «Амцабз» аредактор Хада Инна Ҳашба.

Ахцәажәарақәа рхы аладырхәит апоет Ганнади Аламиа, ашәҟәыҩҩцәа Даур Наҷҟьебиа, Хаири Кәҭарба, уҳәа убас егьырҭгьы.

Аизара Ду ихы алаирхәит иара убас акультура азы Аԥсны Аҳәынҭқарра Ахада Ныгәзар Логәуа. Уи еизаз ажәа риҭеит ашәҟәыҩҩцәа ргәы иҵхо апроблемақәа зегьы атәыла анапхгара аҟынӡа ишнеиго.

Анаҩс имҩаԥысит ашәҟәыҩҩцәа Реидгыла ахантәаҩы ҿыц иалхра.  Абжьыҭара ахь иқәыргылан кандидатурак – Вахтанг Абҳазоу.

Алхрақәа ирылахәыз реиҳараҩык ирҭаз абжьқәа  рыла уи ҩаԥхьа ашәҟәыҩҩцәа Реидгыла ахантәаҩыс далырхит.

Амаӡаныҟәгаҩыс далырхит ашәҟәыҩҩы Даур Наҷҟьебиа. Ажурналқәа «Алашара», «Амцабз» аредактор Хадақәаны ишьақәырӷәӷәоуп Анатоли Лагәлааи Инна Ҳашԥшаи.

Аизара Ду аусура ахыркәшамҭаз Аԥсны ашәҟәыҩҩцәа атәыла ауаажәларратә еилазаара рахь иҟарҵаз ааԥхьара рыдыркылеит. Последнее изменение Четверг, 28 апреля 2022 13:49.

 

Источник: https://apsnypress.info/ru/item/7647-vakhtang-abkhazou-vnov-vozglavil-soyuz-pisatelej-abkhazii.

© АПСНЫПРЕСС.

Last modified on Амҽыша, 01 Лаҵара 2022 14:23